Babai i Laert Haxhiut, i akuzuar për masakrën e Lushnjës në vitin 2017, thotë se prokuroria ka ngritur akuza të padrejta për djalin e tij. Ai tha se djali i tij ndodhet në arrati, pasi nuk beson tek drejtësia shqiptare.
Sipas tij, ka mjaftueshëm prova që tregojnë se në momentin e ngjarjes djali i tij nuk ka qenë në Shqipëri dhe kërkon të hapet sistemi TIMS për ta konfirmuar.
“Prokuroria i ka kryera akuzat në mënyrë të padrejtë, pa marrë parasysh asgjë. Djali im ndodhet në arrati. Në kërkojmë drejtësi nga Prokuroria, dhe nuk kërkojmë asgjë. E drejta jonë të zbardhet nga dëshmitë që kanë dhënë dëshmitarët.
Djali im vetëdorëzohet dhe e bën edhe deklarimit, por kujt do i vetëdorëzohet? Kësaj Prokurorie të korruptuar. Djali im nuk ka lidhje me vrasjen. Djali im ka qenë jashtë shtetit atë kohë, të hapet sistemi TIMS. Këtu ka nisur një proces me hipotezë. Ka prova, ka kamerat e vendngjarjes, janë dëshmitarët.
Duan të na çojnë në vëllavrasje. Unë nuk ruhem fare sepse nuk kam bërë gjë. Prokurorja e çështjes i ka bërë presion dëshmitarit në sallën e gjyqit. Doloreza Musabelliu është prokurorja. Ka dalë hapur dhe i ka bërë presion dëshmitarit. Po na çon në vëllavrasje.“- tha ai.
Në masakrën e 11 tetorit në Lushnjë u vranë Zamir Latifi dhe Jurgen Hoxha, por shpëtoi shënjestra Xhulio Shkurti, nipi i Aldo Bares, i cilësuar si kreu i bandës së Lushnjes. Në këtë atentat u plagosën Marjus Xhepexhiu dhe Bujar Turku.
Lidhur me këtë ngjarje u akuzuan Laert Haxhiu, Orges Bilbilit dhe Anterio Kaloshit. Këto dy të fundit ranë në pranga, ndërsa Laert Haxhiu vijon të jetë në kërkim që nga ajo ditë.
