Kryetari i Partisë Demokratike, Sali Berisha në konferencën për mediat u pyet në lidhje me miratimin në Kuvend të ligjit për hapjen e dosjeve të Sigurimit.
Berisha theksoi se PD është plotësisht për hapjen e dosjeve për çdo individ që kërkon të njihet me dosjen e tij, por amendamenti i PS, sipas tij është ligj anti-Meta.
“Hapja e debatit për ligjin e gjaut të shtrigave për Metën se ai është amendament anti Metë të kuptohemi, ne menduam të rikthejmë ligjin e lustracionit se çdo i përndjekur politik por dhe shoqëria kërkon që ata të kryejnë krimie gjatë diktaturës komuniste të mos jenë në funksione zyrtare. Janë dy komisione, kanë dhënë certifikata, po gjete prova të reja shko në gjykatë. Po ta ndryshosh me një komision të tretë këtë do të thotë ta bësh me gjah shtrigash. E bën Rama që mendon të përdorë këto mekanizma si rrugë hakmarrje personale ndaj kundërshtarëve politikë por që do të dështojë”, u shpreh Berisha.
Berisha tha se Rama nxori thelbin e çështjes, nuk ka e nuk do ketë kurrë lustracion.
“Ai përdori një amendament si alibi vetëm për të mos lejuar lustracionin. Praktika e lustracionit, që Rama e nxori se ishte armik i egër i saj kërkon që e tërë nomenklatura, policia sekrete me oficerë e bashkëpunëtorë të gjithë niveleve. Përvec kësaj nomenklatura komuniste humbet të drejtën sipas këtij ligji për tu zgjedhur në forume drejtuese apo për poste në institucionet e vendit. Këtë nuk pranon Edi Rama e u zotua i ra gjoksit se ajo kurrë nuk do ndodhë. Sot? Ligji i policisë dhe për sistemin e drejtësisë parashikon largimin të atyre që kanë qenë bashkëpunëtorë të Sigurimit, asnjë nuk është larguar sot nga këto dy institucione pse ka qenë bashkëpunëtor se ligji nuk zbatohoet. I pari që duhet të largohet është ish prokurori Ardian Dvorani, por ka dhe të tjerë plot. Ligji ekziston, për lustrimin e sistemit të drejtësisë dhe të policisë është në ligjet organike të tyre por këto nuk kanë asnjë zbatim, e rëndësishme është të bëjmë një ligj për gjah shtrigash. Ne i qëndrojmë ligjit për hapjen e dosjes për cdo individ që kërkon të njohë disjen e t ij ne nuk jemi kurrë për një ligj për një njeri, për shkatërrimin e sigurisë juridike përfundimtare. Se nëse thua nuk njoh vërtetimet e dy komisioneve të mëparshme në një kohë kur në të drejtë kushtetuese ato nuk mund të anulohen me asgjë tjetër përvecse me gjykatë. Nëse vazhdojmë praktikë gangsterësh si këta për të cilët ska shteet ligjor ju garantoj se nesër mund të kalojnë një nen tjetër për pronat, pasuritë private.Nuk ka shtet në botë që bën një gjë të tillë përvec juntave dhe diktaturave komuniste”, shprehet Berisha.
