Kryetari i Partisë Demokratike, Sali Berisha, u shpreh kritik për qeverinë për mënyrën se si po e menaxhon situatën e energjisë elektrike.
Nga foltorja e Kuvendit, ish-kryeministri u ndal tek kaskada e Drinit, që sipas tij qeveria ka zgjedhur të hapë digat për të përfituar dhe vjedhur qytetarët.
“Ju do donit mos kisha asnjë minutë. Zërin tim ju se ndalni dot, se unë u them shqiptarëve ju nuk mund ti pengoni. Sot diskutojmë për një sektor që është më klasik sesi një pasuri kombëtare është shndërruar në një mallkim.
Po pse një pasuri kombëtare. Një pasuri e cmuar me të cilin falë një strtegjie u arrit të mbidyfishohet burimi i energjisë. Ju e shisni energjinë me 40 euro dhe po ky e shet me 140 euro dhe ju sjell ju të gjithë fitimin që keni përcaktuar sëbashku.
Ju keni krijuar një rrjetë vjedhësish nga më gjigandët në Evropë. Ju hapni tendera në një platformë dixhitale të pa konfirmuar nga askush. Ju keni instaluar një sistem tmerrshëm në pallate të vjetra.Tu faturohen pallateve me 15 hyrje që nuk kanë ashnesor, apo pompa uji dhe që konsumojnë 40 kwh. Ju i faturoni 600 KWH pallatit. Cdo familje duhet të paguajë vjedhjet tuaja.
Po vidhni në mënyrë të papërmbajtur. Ju hapni digat për të përfituar dhe vjedhur. Ju keni krijuar një rrjet të madh vjedhësish, që mund të jetë ne Europë dhe në botë. Ju keni instaluar një sistem të tmerrshëm. Ju si qeveri nuk paguani konsumim e energjisë të institucioneve shtetërore, që nuk janë një e dy, por 200 mln euro. Ju këto 200 milionë euro të shqiptarëve po i bëni orgjira dhe i vidhni në drejtime të tjera”, tha Berisha.
Kryeministri Edi Rama ka braktisur Kuvendin ditën e sotme, prandaj Sali Berisha i ka bërë thirrje që të vijë për të përballet me përgjegjësitë dhe të mos fshihen pas Ballukut apo zonjave të tjera ministre.
