Kreu i Partisë Demokratike, Sali Berisha mbështet protestën e pedagogëve të cilët në ditën kur duhet të kishte filluar viti i ri akademik kanë zgjedhur ta bojkotojnë duke i kërkuar qeverisë të plotësojë kërkesat e tyre mes tyre dhe më të rëndësishmen rritjen e pagave.
Gjatë një statusi në rrjetet sociale, Berisha ka postuar disa universitetet të cilat qëndrojnë të mbyllura ndërsa në njoftimet e ngjitur në derën kryesore, pedagogët i bëjnë thirrje studentëve që t’u bashkohen kauzës së tyre për të përmirësuar arsimin në Shqipëri. Gjithashtu, Berisha shkruan se sindikalistët i kanë dhënë përgjigjen e merituar “cinizmi, arrogancës dhe vjedhjeve të Edi Ramës dhe qeverise së tij hajdute”.
“Sukses i plotë i grevës së përgjithshme të Universiteteve të vendit! Nderim për pedagoget, punonjësit dhe studentët e Universiteteve, që me thirrjen e sindikatave të tyre i dhanë përgjigjen më të merituar cinizmi, arrogancës dhe vjedhjeve të Edi Ramës dhe qeverise së tij hajdute!”, shkruan Sali Berisha.
Edhe Universiteti i Gjirokastrës “Eqrem Çabej” kanë vendosur që të bojkotojnë mësimin e sotëm dhe të dalin në protestë. Sindikata e pedagogëve kanë kërkuar që të plotësohen kërkesat e tyre për rritje page si dhe për rritje të mbështetjes për kërkime shkencore.
Protesta pritet që të nisë në orën 10:00. Sindikatat dhe profesorët e universiteteve publike të Shqipërisë kanë njoftuar se nuk do të nisin vitin akademik, nëse qeveria nuk plotëson 9 kërkesat e tyre.
Pedagogët kanë refuzuar propozimin e kryeministrit Edi Rama për rritjen e pagave në nivelin e 7%, por kërkojnë një rritje dinjitoze njësoj si vendet e tjera të rajonit. Pedagogët kërkojnë rritje 50 për qind të pagave bazë sipas titujve shkencorë në dy faza, vlerësime për vjetërsinë në punë mbi 15 vjet dhe për orët e mbingarkesës shtesë në mësimdhënie, rritje të financimit për kërkimin shkencor, rivlerësim të orës mësimore leksion e seminar, rishikim të tatimit prej 23% mbi pagesën e ngarkesës shtesë, si dhe transparencë mbi buxhetin dhe të ardhurat e universiteteve publike.
-
- Kërkesat e pedagogëve:
-Rritja e pagave për pedagogët dhe stafin ndihmës.
-Rritja e financimit për kërkimin shkencor.
-Rivendosja e shtesave mbi pagë për ‘Dëshmi shëndeti në punë’.
-Rritja e shtesës mbi pagën për vjetërsinë në punë.
-Rritja e pagesës së orëve të ngarkesës suplementare.
-Rivlerësimi i orës mësimore pas ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare.
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike
Kujtojmë që në mbështetje të pedagogëve ka dalë opozita me kryetarin e PD-së Sali Berishën i cili shpesh herë i ka bërë thirrje qytetarëve që të dalin në shesh dhe të mbrojnë kauzën e arsimtarëve në Shqipëri të cilët marrin pagën më të ulët nga të gjitha vendet e rajonit. Gjithashtu edhe kreu i Partisë së Lirisë ka shprehur hapur mbështetjen ndaj Pedagogëve të cilët prej vitesh janë lënë në harresë nga “qeveria Rama”.
Protesta, dyert e Universiteteve qëndrojnë të mbyllura:
