Kryetari i Partisë së Lirisë, Ilir Meta ka reaguar për protestën e pedagogëve e cila po mbahet këtë të Mërkurë para Korpusit Universitar.
Meta pohoi se kërkesat për rritjen e pagave tërësisht legjitime dhe plotësisht të realizueshme.
“Solidaritet të plotë me protestën e pedagogëve dhe profesorëve të Shqipërisë. Kërkesat e tyre për rritjen e pagave janë tërësisht legjitime dhe plotësisht të realizueshme”, shkruan Meta.
Pedagogët siç kishin paralajmëruar në mungesë të arritjes së dakordësisë me Ministrinë e Arsimit sa i përket kërkesave të tyre për rritje pagash dhe shtim të financimit për kërkime shkencore, kanë dalë sot në protestë.
Ftesës së Sindikatës së Pedagogëve i janë përgjigjur pozitivisht edhe pedagogët e universiteteve në rretheve, të cilët i janë bashkuar protestës.
Pedagogët kanë paralajmëruar se mungesë e reagimit nga Ministria e Arsimit do t’i shtyjë ata deri në bojkot të procesit mësimor dhe vitit akademik 2022-2023, në një precedent të ngjashëm me Kosovën.
