Në një konferencë për mediat këtë të Dielë, kryetari i Partisë së Lirisë, Ilir Meta, i pyetur nga gazetarët nëse ndodhet përballë dy zgjedhjeve, mes SHBA-ve dhe Berishës, është shprehur se nuk bëjnë zgjedhje dhe janë një parti e pavarur.
Ish-presidenti po ashtu ka thënë se nuk mund të flaës për mesazhet e ambasadores për shpalljen shpalljes “non grata” të Berishës.
Meta i ka thënë ambasadores se cështja e Berishës, është vepër e Bashës dhe Ramës.
“ Unë s’mund të flas se cilat ishin mesazhet e ambasadores, ata flasin vetë kur kanë diçka për të thënë. Unë mund t’iu them juve se çfarë i thashë ambasadores për këtë çështje. Unë thashë mendimin tim që kam për çështjen e shpalljes “non grata” të Berishës. I shpreha dhe bindjen time se kjo është vepër e Bashës dhe Ramës. I thashë që të thotë në Uashington, që të paktën unë personalisht e vlerësoj efektin pozitiv të këtij vendimi që as nuk kam qenë as nuk jam dakord. Pa një vendim të tillë do të kishim Lulzim Bashën kryetar të PD. Kjo nuk është më një sekret. Ne nuk bëjmë zgjedhje mes zotit Berisha dhe Amerikës. Ne kemi programin tonë i cili është i pavarur. Ne respektojmë vendimet që marrin anëtarët e PD apo ët çdo partie tjetër”, ka thënë Meta.
