Kryetari i Partisë Demokratike, Sali Berisha ka deklaruar në konferencën e sotme se sulmi kibernetik në Kosovë, ka ndodhur nga sistemet e Shqipërisë.
“Kosova është sulmuar nga sistemet e Shqipërisë. Mali i Zi është në atak. Gjithashtu edhe Maqedonia. Nuk e di nëse janë sulmuar nga sistemet shqiptare këto të fundit. Por për Kosovën është e sigurt. Çka do të thotë penetrim i plotë i hakerave serbë ose rusë. Sepse dihet se problemet më madhore me Kosovën i kanë. E vërteta është se mbrojtja e Kosovës ka deklaruar se sulmet janë nga rajoni”, është shprehur Berisha.
Ish-kryeministri ka thënë se sistemi TIMS dhe MEMEX, dhe databazë i policisë shkencore ka çdo gjë, ADN, grup gjaku, gishti, çdo gjë të botës së nëndheshme.
“Mirëpo, Edi Rama kërkon t’i mbyllë të gjitha me ajatollahët. Shqiptarët dhe aleatët tanë duhet të dinë të vërtetën. Se sistemi TIMS dhe MEMEX, dhe databaze i policisë shkencore ka çdo gjë, ADN, grup gjaku, gishti, çdo gjë të botës së nëndheshme. Nuk ka asnjë lidhje me portalet. Ka lidhje me ndërhyrjen direkte të hakerave që duan të zhdukin lidhjet e qeverisë me krimin”, tha Berisha.
