Kryetari i PD-së, Sali Berisha deklaroi këtë të Premte se “personalisht Edi Rama, sipas të gjitha indicieve, ka qenë dhe është në hetim ndërkombëtar”.
Berisha iu referuar një çështjeje që po hetohet në SHBA, ku i dyshuar është ish-drejtori i kundërzbulimit të FBI-së në SHBA, Charles McGonigal, me lidhje me kreun e qeverisë shqiptare, Edi Rama.
Në një deklaratw për mediat këtë të Premte, Berisha lexoi një “vendim gjykate” për këtë çështje: “Gjykatësi vendos të mblidhet, regjistrime, dokumente materiale të lidhura sa më poshtë: çdo regjistrim për çështjen Charles McGonigal, që hetohej intensivisht nga FBI, ish-anëtar i komisionit Myler, si prokuror i pavarur për të hetuar lidhjet e Donald Tramp me rusët”.
“Ky McGonigal ishte në ekipin e Myler, por hetohet vetë për lidhjet me rusët. Gjykatësi urdhëron çdo regjistrim dhe material në posedim, që dokumentojnë çdo komunikim personal, përfshi, por jo të kufizuar, tekstet e mesazheve celulare, emailet elektronike, mesazhet zanore, letra, shënime, midis Charles McGonigal për çështjet që vijojnë, përfshi kryeministrin Edi Rama. Çdo udhëtim i kryer nga McGonigal në Shqipëri, çdo pagesë, dhuratë, të dhëna atij nga këshilltari famoz i Edi Ramës. Pra, nuk përmendet në Kosovë a Mal të Zi kryeministri, vetëm në Shqipëri përmendet kryeministri. Në emailin zyrtar të McGonigal gjendet një email privat i Edi Ramës. Edi Rama i kërkonte mikut të tij, McGonigal t’i gjente një kompani për një problem antikorrupsioni. Por FBI e ndalon kategorikisht këtë gjë. McGonigal ndërkohë, erdhi në Shqipëri, regjistroi kompaninë e tij të biznesit, pra më thoni ju mua, a është ky mandati i gjykatësit”, tha Berisha.
Por ka edhe çështje të tjera, tha ai, duke saktësuar më tej “ajo me kartelin Sinaloa”.
“E patë foton duke dalë trojka nga zyra e Edi Ramës? Dje e kishte Washington Examiner këtë problem. A e keni parë se del i çekuilibruar shpesh para jush”, tha Berisha.
