Detaje të reja tronditëse kanë dalë në dritë për bandën kriminale në Ballkan që joshi fituesen e Miss Universe Hungaria 2021, Jazmin Viktória. Ajo udhëtoi drejt Maqedonisë së Veriut rreth një muaj më parë, pasi iu ofrua një kontratë modelimi. Jazmin ka treguar se kishte aplikuar në një agjenci modelimi në shtetin e Ballkanit Perëndimor, por u detyrua të largohej për shkak se ra në një rrjet trafikantësh të qenieve njerëzish apo organesh.
Autoritetet ndërkohë kanë nisur hetimet për të gjetur personin e prezantuar si biznesmen, me të cilin komunikoi Jazmin.
“Sipas autoriteteve, jeta ime ishte në rrezik, ata mendojnë se donin të më shisnin te trafikantët e qenieve njerëzore apo organeve”, zbuloi Jázmin në një intervistë për Blikk.
Më pas, media kontaktoi me kolegen e saj franceze, me origjinë kroate, e cila po ashtu po priste në Maqedoninë e Veriut për të realizuar fotosesionin e veshjeve.
“Kam qenë në kontakt me Jazmin në telefon gjatë gjithë kohës, kështu që kam ditur për gjërat e çuditshme që kanë ndodhur. Së bashku, menduam se si mund të arratisemi nga hoteli”, tha Valeria Pavelin për Blikk, e cila njoftoi policinë franceze dhe Interpolin, pasi nuk mori mori informacione për Jázmin për orë të tëra, kur kjo e fundit u arratis nga hoteli dhe u fsheh për një ditë derisa i ati mbërriti në Maqedonin e Veriut për ta marrë.
“Burri më kërcënoi kur mori vesh se kisha lajmëruar policinë, Interpolin dhe prindërit e Jazmin”, pranoi Valeria Pavelin, e cila thotë se punëdhënësi është trafikant dhe se sipas saj s’është maqedonas, por shqiptar.
“Ai organizon sesione fotografish pranë Shqipërisë, sepse është shumë më e lehtë t’i dërgosh vajzat nga atje, ose nëse ka ndonjë problem, mund të shpëtojë më lehtë vetë”, beson modelja franceze.
Dyshohet se banda ka disa vite që ushtron këtë aktivitet, duke droguar dhe përdhunuar vajzat. I akuzuari dyshohet se i prezantohej vajzave me emrin Tom Tomski, pre e të cilit ra edhe një vajzë tjetër hungareze vitin e kaluar. Por duke qenë se ai e ka kërcënuar atë, madje edhe familjen e saj duke i hyrë brenda në banesë, ajo ka refuzuar të identifikohet por ka treguar historinë e saj për Bliik.
“Na ftoi në Beograd për hapjen e një hoteli. Ai kishte një agjenci në Dubai, di të formulojë një kontratë dhe të negociojë në mënyrë të tillë që ne të mos mendojmë se diçka nuk shkon. Ishin disa vajza nga vende të ndryshme, por unë mbërrita e para. Më ftoi menjëherë për darkë, por pas gotës së parë fillova të dehem. Ai më ktheu në hotel dhe më pas filloi të më afrohej, por unë e refuzova. Pastaj ai u tregua i vrazhdë, më shtyu në shtrat, donte të më përdhunonte. Vrapova në banjë me fuqitë e fundit që më kishin mbetur dhe më pas mbylla derën”, rrëfeu ajo.
Më pas vazhdoi: “Doja të largohesha të nesërmen, por më kërcënoi. E dinte adresën e familjarëve të mi. Më tha se nëse nuk rrija, do t’i vriste. Ai na tha se quhej Nikolaj, por të gjithë e quanin Tom.”
Modelja rrëfeu se ai i trajtonte njësoj të gjitha vajzat.
“Më në fund pas dy ditësh arritëm të arratiseshim nga hoteli. Pak ditë më vonë mbërriti në shtëpi dhe zbuloi se i kishin thyer derën e banesës dhe dikush i kishte lënë një shënim ku shkruhej ‘Mos kërko’,” përfundoi rrëfimin vajza, e cila për një vit e gjysmë vuajti nga ankthi për shkak të asaj që i ndodhi.
LEXO EDHE:
Miss Hungaria: Ja si u mashtrova nga “biznesmeni” që më ofroi kontratë modelimi
