Një shqiptar në Rimini të Italisë është arrestuar dy herë, brenda 7 orëve. Ai fillimisht u arrestua në orën 21:00 dhe u vendos në arrest shtëpie, për veprën penale të Rezistencës dhe plagosjes personale të një funksionari publik.
“Departamenti i Parandalimit të Krimit të Lombardisë, i bashkuar në Komisariatin e Policisë së Rimini, ndërhyri në Piazza Cesare Battisti për të shuar një sherr mes dy burrave, pasi e dashura e njërit prej të dyve ishte ngacmuar verbalisht. I dashuri i vajzës u shfaq menjëherë shumë i shqetësuar si ndaj djalit tjetër ashtu edhe ndaj agjentëve. I riu për shkak të ngjarjeve të ndodhura iu nënshtrua masës së arrestit shtëpiak në banesën e tij në Bellaria në pritje të procedurave”, njoftoi policia italiane.
Mirëpo shqiptari, pavarësisht detyrimit që i ishte ngarkuar, në orët e para të mëngjesit të 8 shtatorit, pikërisht në orën 4:01, eci i qetë në Viale Regina Elena drejt Ricciones, disa kilometra larg shtëpisë së tij.
Një makinë policie gjatë shërbimit patrullues e ka vënë re dhe e ka njohur se personi që pak orë më parë ishte shoqëruar në banesën e tij me detyrimin për të qëndruar aty raportojnë mediat vendase. Më pas ai u arrestua sërish dhe shkoi në komisariat në pritje të dënimit.
