Një 38-vjeçar, banues në Durrës, është arrestuar nga policia këtë të Premte, pasi në vitin 2014, ka tentuar të vjedhë një bankomat në Kamzë.
Për të realizuat vjedhjen ai ka pas përdorur një send të ngjashëm me kartën bankare.
Uniformat blu bëjnë me dije se ai ka qenë i dënuar në Francë dhe Itali për vepra penale në fushën e trafikut të lëndëve narkotike.
“A. P., 38 vjeç, banues në Durrës, për veprën penale ”Vjedhja e bankave dhe e arkave të kursimit”, mbetur në tentativë, i dënuar më parë për vepra penale në fushën e narkotikëve, në Francë dhe në Itali”, njofton policia.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
