Pasditen e sotme mbahet protesta e dytë në Tiranë pas vdekjes tragjike të 7-vjeçares Jonada Avdia, ngjarje e ndodhur në Himarë më 2 gusht.
Protesta do të nisë para Ministrisë së Brendshme nën moton “Drejtësi për Jonadën”.
Protestuesit do të kërkojnë dorëheqjen e ministrit të Brendshëm, Bledi Çuçi, ministres së Turizmit, Mirela Kumbaro, por edhe drejtorit të Policisë së Shtetit, Gledis Nano.
Demonstruesit vendosën një afat prej 72 orësh, ku kanë kërkuar nga Kryeministri Rama shkarkimin e dy ministrave dhe drejtorit, por duket se ky afat ka skaduar. Protesta mbështetet edhe nga opozita.
Pas Ministrisë së Brendshme, protestuesit pritet të marshojnë drejt Kryeministrisë dhe Presidencës. Ndërkohë, Policia e Shtetit ka rrethuar godinën e Ministrisë së Brendshme, në kuadrin e masave të sigurisë.
“Arrogancë. Natë për natë këtu do jemi. Nuk ka siguri fare. Për mua Yuri Kim është non grata, zero. Edhe qeveria është non grata. Me ik Cuci, me ik ajo tjetra”, u shprehen protestuesit.