Ditën e sotme (19 korrik) pritet që BE-ja të ulet me delegacionin shqiptar në konferencën e parë ndërqeveritar, takim në të cilin do të prezantohet edhe kuadri negociues.
Ndërkohë, pas këtij takimi pritet që për vendin tonë do të jetë hapja e kapitujve dhe përafrimi i legjislacionit shqiptar me atë të BE nën monitorimin e unionit.
Një zhvillim i tillë vjen pas pranimit të propozimit francez nga parlamenti i Maqedonisë së Veriut, union ka ftuar Shqipërinë për të paraqitur dhe diskutuar kuadrin negociues.
Në takim do të jetë kryeministri Edi Rama, së bashku me Ministren e Jashtme Olta Xhaçka të shoqëruar edhe nga grupi i punës me në krye kryenegociatorin Zef Mazi do të jenë pjesë e delegacionit shqiptar.
Ndërkaq nuk do të mungojë në këtë takim të parë edhe përfaqësuesi i lartë për politikën e jashtme Josep Borrell si dhe Komisioneri për zgjerimin Oliver Varhelyi.
Pas takimit drejtuesit e BE së bashku me kryeministrin Rama do të dalin para gazetarëve në një konferencë për shtyp rreth mesditës.
Shqipëria mori statusin e vendit kandidat në qershorin e vitit 2014, ndërsa në marsin e vitit 2020 Këshilli Evropian vendosi të hapë negociatat për anëtarësimin e Shqipërisë në BE.
