Kryetari i PD-së, Sali Berisha tregon është informuar nga një mjek, emrin e të cilit nuk e ka bërë publik, se janë urdhëruar nga Ministria e Shëndetësië e tyre të vazhdojnë vaksinimin e popullsisë me dozat e Pfizer, të cilat kanë skaduar.
Berisha e ka cilësuar këtë një “akt të papërgjegjshëm dhe të rrezikshëm për shëndetin e njeriut” në thirrjen që iu ka drejtuar sot qytetarëve:
“Të dashur miq, – shkruan Berisha në rrjetet sociale – Në një akt të papërgjegjshëm dhe me rrezik për jetën e njerëzve, Ministria e Shëndetësisë ka urdhëruar përdorimin e vaksinave anti-Covid të skaduara, duke rrezikuar kështu jo vetëm mbrojtjen e të vaksinuarve nga virusi, por duke sjellë edhe pasoja të tjera të rrezikshme nga substancat e skaduara”.
“Dënoj me ashpërsinë më të madhe këtë akt të papërgjegjshëm të qeverisë dhe i bëj thirrje qytetarëve të mos pranojnë të vaksinohen me vaksina të skaduara”, shton ai, ndërsa më tej poston një mesazh për të cilin thotë se ia ka dëguar një mjek.
Në mesazhin në fjalë thuhet: “Përshëndetje doktor. Po ju informoj se jemi urdhëruar të vazhdojmë vaksinimin me lotin e vaksinës Pfizer, që ka skaduar në korrik dhe sipas urdhrit, duhet që këtë lot ta përdorim gjer në tetor.”
Reagimi i Manastirliut
