Ambasadorja amerikane në Tiranë Yuri Kim ka reaguar pasi Presidenti Ilir Meta dekretoi gjyqtarin Sokol Ngresi si anëtar të Gjykatës së Lartë duke e bërë kështu me 13 anëtarë, nga 19 anëtarë që duhet të ketë në total.
“Hap i madh përpara për reformën në drejtësi: Gjyqtari i 13-të i Gjykatës së Lartë u dekretua sot, duke i dhënë mundësi dhomave të bashkuara të arrijnë përfundimisht kuorumin pas 5 vitesh. Kjo do të thotë se Gjykata e Lartë tani është në gjendje të kryejë të gjitha funksionet, të shqyrtojë më shumë raste dhe të ndryshojë ligjet gjyqësore në mënyrë racionale”, shkruan Yuri Kim në Twitter.
“Ky hap i madh është falë bashkëpunimit të mirë mes institucioneve të drejtësisë dhe Presidencës. Shpresojmë që kjo të vazhdojë. Reforma në drejtësi nuk ka qenë e lehtë, e shpejtë apo e përsosur, por përfundimisht po ecën përpara dhe po prodhon rezultate reale”, shton ajo.
