Kryetari i Bashkisë së Tiranës, Erion Veliaj ka reaguar pas raportimeve mediatike lidhur me pagat e këshilltarëve të tij.
Duke ju referuar të dhënave të pagave të rrjedhura në aplikacionin e komunikimit “whatsapp”, mediat raportuan se “me titullin këshilltar i kryetarit të bashkisë janë plot 17 persona dhe tre të tjerë vetëm me emërtimin këshilltar. Shpenzimet për këta persona shkojnë në 2.2 milionë lekë të reja, ose e përkthyer 18 mijë euro në muaj. Plot 216 mijë euro në vit”.
Në një aktivitet transmetuar këtë të Enjte, Veliaj tha se shumica e këshilltarëve në bashki paguhen nga të huajt.
“…Merren me këshilltare, me zonja të nderuara që në pjesën më të madhe paguhen nga të huajt dhe sa mirë që i kemi në bashkinë e Tiranës dhe bëjnë një punë të jashtëzakonshme…”, tha Veliaj.
