Mark Marku: Ja çfarë duhet të bëjë Basha për të shpëtuar PD

Mark Marku, i cili dorëzoi mandatin e deputetit të marrë nga zgjedhjet e 25 prillit, u shpreh se Sali Berisha ka qenë pronar i PD-së nga 1992 deri në 2013 dhe më pas caktoi administratorin e partisë, Lulzim Bashën.

Në emisionin “Opinion”, Marku tha se lëvizja e Berishës nuk ka lidhje me demokratizimin e Partisë Demokratike, por me interesat e tij.

“Ai nisi lëvizjen pasi Basha mori vendimin për largimin e Berishës nga Grupi Parlamentar. Mendoj se kjo është çështje e Berishës dhe unë nuk e di nëse PD do të sakrifikohet ose jo për Sali Berishën”, tha Mark Marku.

LEXO EDHE  Makina inteligjente gjobit 540 shoferë në 24 orë

Sipas tij, problemi nuk zgjidhet as duke hequr Lulzim Bashën dhe as që ai të rrijë duke mos bërë disa lëvizje.

“Shoqëria shqiptare kërkon argumenta. Basha duhet të dalë dhe të shpjegojë, pasi kjo lëvizje e Berishës po e shkatërron PD. Nëse Berisha kthehet në krye të PD e humbin përjetësisht pushtetin.

Basha duhet të dalë me një koncept të ri për partinë”, tha Mark Marku.