Dy vite nga tërmeti, Ahmetaj: Nga 25 Nëntori, nis shpërndarja e banesave për të dëmtuarit

Dy vjet pas tërmetit tragjik të 25 nëntorit, zëvendëskryeministri ka njoftuar se së shpejti, banorët e prekur do të futen në banesat e reja.

Ministri i Rindërtimit, Arben Ahmetaj njoftoi se shpërndarja do të bëhet sipas listës prioritare për disa kategori, ndërsa për qytetarët e tjerë, procesi do të jetë nëpërmjet shortit publik transparent.

“Një vendim tejet i rëndësishëm për qytetarët në 11 bashkitë e dëmtuara nga tërmeti që ka të bëjë me mënyrën e shpërndarjes së njësive individuale dhe apartamenteve duke filluar 25 nëntori një mënyrë transparente, pasi kalon lista prioritare në bazë të ligjit që ka të bëjë me disa kategori si; familjet në nevojë, familje me ndihmë ekonomike, nëna e pensionistë të vetmuar, familjet e policëve të vrarë dhe mënyra do të shpërndahen me short publik transparent. Qytetarët do të jenë përballë shortit publik ku do të përputhet vlerësimi me apartamentet, familjet përballë një procesi transparent dhe publik”, tha Ahmetaj, pas mbledhjes së qeverisë.

LEXO EDHE  Maratona e Tiranës, ja rrugët ku bllokohet qarkullimi i automjeteve deri në orën 17:00