Ish-Sekretari për Çështjet Ligjore në Partinë Demokratike Çlirim Gjata ka kritikuar Lulzim Bashën për përjashtimin e Sali Berishës nga grupi parlamentar i Partisë Demokratike, duke e krahasuar simbolikisht me shkelmin e lopës që derdh kovën e qumështit.
“U desh vetëm një lëzije për të derdhur gotën, unë kam qenë vetë aty, por nuk e dija se ishte aq plot. Ne humbën zgjedhjet për shkak të një masakre elektorale. Mund të them dhe të metat tona. Edhe ai që fiton thellë nuk është pa të meta. Këtë masakër elektorale mund ta mundte vetëm pjesmarrja. Na mungoi pjesmarrja. Sepse aty kishte futur duart Edi Rama. Punoi për Edi Ramën dhe KQZ-ja. U bënë bashkë. Po të ishte para ndryshimeve kushtetuese, ne do ishim në pushtet. Pra që nga ndryshimi kushtetues deri te shitblerja e votës nëpërmjet bandave. Hajde nxjerrim në rrugë, se u bë masakër zgjedhore. Por kjo nukë shtë aq e thjeshtë. Ne ishim të konsumuar nga viti 2019. Na u kërkua një reformë zgjedhore, u detyruam ta pranojmë për hatër të ndërkombëtarëve, por ata nuk na mbështetën kur erdhi puna që ne e pranuam. Masi bëmë marrëveshjen Edi Rama ndryshoi kushtetutën dhe ndërkombëtarët duhet ta ndalonin dhe kishin fuqi ta bënin, por nuk e bënë”, u shpreh Gjata, për emisionin Pushteti në Faxnews.
Gjata thotë se Basha nuk duhej të dorëzohej përpara presioneve të ndërkombëtarëve, por të rezisdtonte, pasi Berisha ka ndikim tepër të madh në PD.
“Kjo që ndohi me Sali Berishën ishte shkelmi që derdhi kovën. Nuk prisja veprimin. Basha duhet të kishte përballuar presionin. Ishte vednim i gabuar. Ta çonte Berishën në votim. Nuk po bëhet përse Berishën iu hoq viza. Berisha nuk e përfshiu PD-në. Nuk kishte përse të vinin dhe të bënin presion aq të madh. Berisha edhe sikur të mos jetë fare deputet ai është Berisha. Këtë nuk e kuptojnë ata. Kanë menduar në mënyrë arrogante, që shpesh i ka çuar amerikanët në gabime historike. Ai është deputet. Çfarë vlere kishte kjo? ” theksoi ai.
Madje ai shkon më tej duke thënë se nëse Berisha nuk do ishte pjesë e zgjedhjeve të 25 prillit, PD mund të merrte 400 mijë vota mangut, krahasuar me 200 mijë vota mangut në vitin 2017.
“Berisha thotë me të drejtë për shkak të problemeve që i solli për ndarjen e Kosovës. 2017 PD ka qenë 200 mijë vota mangut. Imagjino po të mos kishte as Berishën mund të shkonte edhe 300 mijë vota, 400 mijë. E morëm Berishën, dhe i rikuperuam ato vota mangut, tani i themi ik se nuk të duam më”, tha Gjata.
