Tjetër aksident/ Makina del nga rruga, plagosen dy persona

Një tjetër aksident ka ndodhur mëngjesin e sotëm, ndërsa janë plagosur 2 persona. Pas askidentit të ndodhur në aksin Burrel-Milot me 6 të plagosur, policia njoftoi se një tjetër aksident ka ndodhur në aksin Fier-Levan, ku janë plagosur 2 persona. Në të dy rastet dyshohet se shkak për aksidentet ka qenë lagështia në rrugë.

Fier/Informacion paraprak

Sot rreth orës 07:55, në aksin rrugor Fier-Levan, në vendin e quajtur “Qafa e Koshovicës” ka dalë nga rruga mjeti tip “Land Rover”, me drejtues shtetasin G. A dhe për pasojë kanë pësuar dëmtime të lehta pasagjerët në mjet, shtetasit L. Ll., 27 vjeç dhe M. Gj., 29 vjeç, të cilët ndodhen në Spitalin Rajonal Fier nën kujdesin e mjekëve.

LEXO EDHE  Covid 19/ Përkeqësohet situata! 8 v*ktima dhe 650 të infektuar në Shqipëri në 24 orët e fundit

Grupi hetimor po punon për zbardhjen e shkaqeve të daljes nga rruga.