Në disa vende të Botës po organizohen protesta kundër vaksnimit të detyruar. Në Shqipëri protestat janë organizuar nga disa pjesëtarë të shoqërisë civile, ndërsa më të ashpvr në qëndrimet e tyre lidhur me vaksnimin e detyruar janë shfaqur avokati Altin Goxhaj dhe konspiracionisti Alfred Çako.
Një protestë e tillë u organizua të shtunën para godinë së Kryeministrisë, ku morën pjesë dhjetra qytetarë, kryesisht të rinj.
Altin Goxhaj tha se halli i vërtetë i qeverive në mbarë botën nuk ka qenë Covidi por vaksina.
“Fakti që këta duan ti bëjnë vaksinë fëmijëve dhe atyre që kanë kaluar Covidin, tregon që halli i tyre nuk ka qenë Covidi por vaksina. Nëse ne nuk arrijmë ti zgjojmë shqiptarët, atëherë duhet të bëhemi gati për gjëra të tmerrshme, që as në Bibël dhe as në Kuran nuk i kemi lexuar”, u shpreh Goxhaj.
Konsiparacionisti Alfred Cako, pjesë e protestës tha se fuqia më e madhe e protestuesve janë numrat, dhe jo fjalimet.
“Të gjithë mendojmë që të marshojmë, fuqia jonë janë numrat, të bëjmë një marshim paqësor, kush ka interes të na bashkohen. Të bëjmë një marshim pa protagonizëm, frika e atyre nuk janë fjalimet tona, frika e tyre janë numrat tanë”, tha Cako.
