Të tjera detaje janë zbardhur nga aksidenti i ndodhur mëngjesin e sotëm në aksin Burrel-Milot, ku 5 anëtarë të një familje u dëmtuan pasi një makinë përfundoi poshtë urës.
Sipas Faxnews, kjo ishte hera e tretë për këtë vit që një makinë bie në të njëjtën urë dhe se nuk janë marrë masa për vendosje sinjalistike apo barrierave mbrojtëse.
Mësohet se një fëmijë 4 vjeç i kësaj familje është dërguar me helikopter në Tiranë, ndërsa 3 anëtarë të tjerë janë dërguar me ambulancë.
Një tjetër pjesëtar i familjes po trajtohet në Burrel, ndërsa shoferi është shoqëruar në komisarit për zbardhjen e plotë të rrethanave të ngjarjes.
“Një familje nga Dibra është nisur drejt Tiranës dhe në rrugën Milot-Burrel kanë përfunduar poshtë një ure. Ka qenë lagështirë rruga dhe ka pasur mjergull, por mbi të gjitha mka mungesë të sinjalistikës. Mungojnë anësoret, rruga është e armotizuar. Nuk ka asnjë lloj sinjalistike.
Nuk është hera e parë që bien makina në këtë urë. Është hera e tretë për këtë vit që përfundon një makinë poshtë urës. Nuk është marrë asnjë masë. Katër persona të kësaj të familje po trajtohen në Tiranë. Një fëmijë 4 vjeç është nisur me helikopter në orët e para të mëngjesit pasi mori mjekimin në orët e para të mëngjesit. Drejtuesi i mjetit është shoqeruar në komisariatin e Burrelit. Nuk po merren masa në këtë rrugë për vendosje sinjalistike dhe mbrojtëse anësore”, raportoi gazetari Enver Doçi për Faxnews.
