Përplasja në PD, a është një lojë? Berisha: Basha një “lider i thyer”

Ish-Kryeministri Sali Berisha u shpreh se përplasja në Partinë Demokratike nuk është një lojë mes tij dhe Lulzim Bashës, por shtoi se situata është mjaft kritike.

Berisha u shpreh se situata që po kalon PD është më e rënda që nga dita e ekzistencës së saj.

“Unë e kam mbivlerësuar në media Lulzim Bashën, e bëja për propagandë, e bëja për demokratët që nuk kishin besim te Kryetari i PD”, tha Berisha në studion e Syri Tv.

I pyetur nëse mund të kishte bashkëjetesë në PD mes tij dhe Lulzim Bashës, Berisha tha se vendimi nuk i takon Sali Berishës, por Lulzim Bashës.

LEXO EDHE  “Do të vr*s”, ish-burri kërcënoi Sabrinën 2 java para lirimit nga burgu

“Ne do të presim se çfarë do të thotë anëtarësia e PD. Grupit të këshilltarëve iu kam thënë se është një lider i thyer, por nëse deri 4 muaj para zgjedhjeve ai nuk ngjitet, do të kaloni në platformën e Holand. I kam dërguar poll-et me rezultatet dhe nuk dilnin të ishte fitues dhe gjithçka kishte të bënte me liderin”, tha Berisha.