Lefter Koka njofton dorëheqjen nga mandati i deputetit

Lefter Koka nuk do të jetë pjesë e parlamentit të ri edhe pse siguroi mandat deputeti në zgjedhjet parlamentare. Vendimin e dorëheqjes nga mandati i deputetit e ka njoftuar vetë Koka, përmes një regimi në rrjetet sociale.

“Në morinë e sfidave me të cilat ky rrugëtim të përball është gjithmonë e vështirë të ndalesh një moment dhe të vlerësosh se kur është koha e duhur për të mbyllur një cikël”, shprehet.

“Sot është dita që rrugëtimin tim politik, ta vijojnë ata mijëra bashkëpunëtorë të mitë, që më bënë fitues për vite me radhë dhe që mbase nuk kam mundur asnjëherë t’i falenderoj sa duhet. Sot, e ardhmja u përket atyre! Me këtë vendim timin, është njohur institucionalisht si Komisioni Qendror i Zgjedhjeve ashtu edhe Kuvendi i Shqipërisë”, shton ai.

LEXO EDHE  Prej 48 orësh i bllokuar, gazetari: Qeverisë nuk i kërcet hiç për minatorin

Lefter Koka mori 9609 vota në Qarkun e Durrësit dhe u rendit kandidati më i votuar në qark pas kryeministrit Edi Rama.

Lefter Koka ka qenë me herët pjesë e LSI, si dhe ka mbajtur postin e Ministrit të Mjedisit dhe kryebashkiakut të Durrësit. Në zgjedhjet e fundit parlamentare, garoi nën siglën e PS.

LEXO EDHE:

Dorëheqja/ Ja kush e merr mandatin e Lefter Kokës, sipas listës së PS