Raporteri për Shqipërinë në Parlamentin Europian, David Lega, kërkoi sot korrigjimin e njoftimit zyrtar të Parlamentit Europian, i cili citonte se ky i fundit rekomandon nisjen e negociatave.
Në një postim në Twitter, Lega shkruante se njoftimi nuk përmbante një pjesë thelbësore, “pasi të përmbushi të gjitha kushtet e vendosura nga Këshilli Europian”.
Dhe ky sugjerim i europarlamentarit Lega është pasqyruar në qëndrimin e PE-së lidhur deklaratën për negociatat e Shqipërisë.
Ishte:
“Ata mbështesin thirrjen e konferencës së parë ndërqeveritare, e cila do të shënonte zyrtarisht fillimin e negociatave të pranimit me BE, pa vonesa të mëtejshme. Ata vërejnë se për të siguruar që procesi i pranimit është i besueshëm, duhet të përmbushen piketa për të përparuar drejt anëtarësimit në BE. Aktorët rivalë po kërkojnë të minojnë integrimin e mëtejshëm dhe stabilitetin politik të vendeve të Ballkanit Perëndimor, nënvizojnë eurodeputetët.”
Eshte:
“Ata mbështesin thirrjen e konferencës së parë ndërqeveritare pa vonesa të mëtejshme, pas përmbushjes së plotë të kushteve të vendosura nga Këshilli Evropian, i cili do të shënonte zyrtarisht fillimin e negociatave të pranimit me BE. Ata vërejnë se për të siguruar që procesi i pranimit është i besueshëm, duhet të përmbushen piketa për të përparuar drejt anëtarësimit në BE. Aktorët rivalë po kërkojnë të minojnë integrimin e mëtejshëm dhe stabilitetin politik të vendeve të Ballkanit Perëndimor, nënvizojnë eurodeputetët.”
