Firmosi me Legian, Ernest Muçi bëhet blerja e dytë më e shtrenjtë në Superligën polake

Ernest Muçi është një nga blerjet më të shtrenjta gjatë merkatos dimërore 2021 në Poloni.

Sulmuesi 19-vjeçar u transferua nga Tirana tek Legia e Varshavës për një shifër prej 500.000 eurosh dhe ndërkohë në shtetin polak nuk kanë humbur kohë për të bërë bilancet e blerjeve më të shtrenjta të Superligës në Poloni.

Ish-sulmuesi i Tiranës renditet i dyti në këtë klasifikim, ku para tij ndodhet Jesper Karlstrom i cili kaloi nga ekipi suedez Djurgarden tek Leh Poznan për një shifër prej 800.000 eurosh.