Autoritetet shëndetësore në Itali raportuan sot një rritje të rasteve të reja me koronavirus.
Ministria e Shëndetësisë bëri me dije se nga 378463 teste kanë rezultuar pozitivë 24036 persona.
Ndërkohë në 24 orët e fundit 297 pacientë kanë humbur jetën duke e çuar numrin e viktimave në 99,271 që nga fillimi i pandemisë.
Autoritetet shëndetësore bëjnë me dije se 2525 pacientë janë shtruar në spital në kujdesin intensiv.
Ndërsa rajoni me rritje të infeksioneve mbetet Lombardia me 5210 raste, ndërsa në Milano janë raportuar 1500 të prekur.
