Një shqiptar i cili punon prej kohësh në Angli në të ashtuquajturat “shtëpi bari” ka rrëfyer detaje nga kjo skemë punësimi joligjore, duke filluar që nga rekrutimi në Shqipëri dhe deri të pagesa për punën e bërë.
Ai tregon në një intervistë për Top Channel se ai ka arritur të fitojë 5-6-7 mijë paund për një sezon i cili zgjat 10 javë.
Ndër të tjera ai tregon edhe sesi përgjegjësit e shtëpive të barit në Angli, i rekrutojnw punonjwsit qw nw Shqipwri duke i paguar rrugwn dhe duke i detyruar qw pastaj tw punojnw pwr ta nw mwnyrw qw tw lajnw kwtw borxh.
Biseda
GAZETARJA: A Ishe një fermer i mirë ti?
FERMERI: Po. Shumë i mirë pasi unë i dua shumë bimët.
GAZETARJA: Bimët që kujdeseshe ti pra çfarë lloji ishte hashashi?
FERMERI: Ajo është farë hibride që rritet për 10 javë. Ajo është rraca pehejs ose amnejza. Kjo është rraca që ka tch më ta lartë, substanca që të deh. Pastaj në Shqipëri preferohen ato bimët e tjera që rritën shumë dhe kërkojnë 3 muaj-9 muaj kohë. Ne në sera kultivonim këto që rritën sa një lule.
GAZETARJA: Dhe sa paguheshe ti për këtë punë që bëje?
FERMERI: 5-6-7 mijë euro në një sezon dhe një sezon ka 10 javë.
Për fermerin e hashashit në Angli paga është më e lartë. 5 mijë paund në muaj janë ato që joshin djemtë e rinj shqiptarë të cilët më pas marrin guximin të shkojnë me kamion.
GAZETARJA:Sa djem njeh ti që kanë shkuar në Angli për të punuar?
FERMERI:Shumë 20-30
GAZETARJA: Janë kthyer?
FERMERI: Jo, nga ata që njoh unë asnjë.
GAZETARJA:Sa vite kanë andje?
FERMERI: Varet nga 2 deri në 7 vjet.
GAZETARJA: Pa letra?
FERMERI:Pa letra vetëm në një shtëpi bari, si qen.
Të shkosh në Angli në rrugë ilegale pra me kamion minimalisht të duhen 18 mijë paund, për këtë arsye shumë djem të rinj pranojnë që rrugën ta paguaj pronari I shtëpisë së barit, më pas ata do të punojnë si fermer dhe rojë në shtëpinë e drogës deri sa të shlyhen borxhi.
FERMERI: Këta që ikin me kamion për mendimin tim e kanë lakun në fyt. Ose kanë borxhe, ose probleme të tjera madhore.
GAZETARJA:Sa paguhesh?
FERMERI: Por me mirë se në Europë pasi madhësia e shtëpisë barit është e madhe dhe punohet me % 25% të prodhimit. Diku tek 5 mijë euro në muaj i bie.
GAZETARJA: Pra personi që do të paguante ty rrugën për në Angli do të paguante rrugën që shkon diku tek 17-18 mijë paund dhe ti do të punoje për të 1 vit e gjysmë? Më pas çfarë do të ndodhte me ty?
FERMERI: Po, do bëja shtëpinë time të barit.
