Misioni i ODIHR, i cili nisi sot takimet me partitë politike në Shqipëri, për zgjedhjet parlamentare të 25 prillit, po zhvillon një takim në selinë e Partisë Demokratike.
Përfaqësuesit e ODIHR janë pritur në takim nga kryedemokrati Lulzim Basha, përfaqësuesi ligjor i PD Ivi Kaso si edhe Sekretari për Çështjet Ndërkombëtare në Partinë Demokratik, Arben Kashahu.
Delegacioni filloi sot takimet, fillimisht me PS, ndërsa pas PD do i drejtohet selisë së LSI. Mësohet se ditën e mërkurë ODIHR do të ketë takim me KQZ.
Po ashtu ky mision do të ketë takime edhe me shoqërinë civile apo partitë e tjera pasi do të qëndrojë 5 ditë për vlerësim në Tiranë.
