Zbardhet dëshmia e 59-vjeçarit Përparim Ademi, i cili ditën e djeshme, 31 dhjetor 2020, ekzekutoi me kallashnikov, motrat Zhaneta Metani dhe Kristina Bardhi.
Nga raportimet, mësohet se Ademi, shqiptar i Maqedonisë së Veriut, para grupit hetimor, është shprehur se nuk kishte si qëllim t´i vriste motrat.
Ai ka pohuar se në debat e sipër, ka qëlluar me armë ndaj dy motrave. “Më ofenduan dhe qëllova”, mësohet të jetë shprehur Ademi.
Ai kishte krijuar lidhje paralele me Zhanetën, pavarësisht se ishte i martuar.
Nga raportimet mësohet se mes autorit dhe Zhanetës ishte krijuar një distancim gjatë javëve të fundit, ndërsa viktima kishte tentuar ndarjen nga i dashuri i saj.
“Kishte krijuar një distancim, dyshoja se kishte një lidhje tjetër”, mësohet të ketë deklaruar Ademi para policisë.
Krimi i dyfishtë u krye në sy të djalit të mitur të Zhanetës, i cili mësohet se ka raportuar ngjarjen në polici. Kjo e fundit arriti të arrestonte Ademin rreth 2 orë pas ngjarjes.
Përparim Ademi vite më parë mbante mbiemrin Tela, gjë që u pohua edhe zyrtarisht nga policia.
