Vrasja e 46-vjeçarit/ Arrestohet një nga autorët e dyshuar, 2 të tjerë në kërkim. Emrat

Zbardhen emrat e të arrestuarve në Shkodër për vrasjen e Ridvan Ramazanit.

Burimet bëjnë të ditur se është arrestuar Milkjor Gjoka. Ai së bashku me dy vëllezërit Mehmedaj janë autorë të dyshuar të ngjarjes në fshatin Mushan te Dajçit.

Policia ka shpallur në kërkim dy vëllezerit Hydajet dhe Duel Mehmedaj. Nga ana tjetër janë arrestuar edhe dy persona të tjerë për mos kallëzim krimi, njeri nga të cilët, punonjësi i pikës së karburantit.

46-vjeçari u gjet i vrarë brenda makinës së tij tip “BMW” pranë një karburanti. Dyshohet se atentatorët qëlluan me armë automatik dhe pasi kanë ekzekutuar Hysenin janë larguar me motoçikletë.

LEXO EDHE  Kryemadhi: Janë rritur taksat për të varfërit, janë zeruar për të pasurit

Ridvan Hyseni (Ramazani) dhe të afërm të tij njihen si biznesmenë në fushën e turizmit. Ata kanë në pronësi të tyre lokale e hotele në plazhin e Velipojës dhe në Shirokë.

Në vitin 2008 është ekzekutuar edhe xhaxhai i 46-vjeçarit, Enver Hyseni (Ramazani). Ky i fundit asokohe 50 vjeç, baba i tre fëmijëve u vra teksa po drejtonte mjetin”Benz” ML në aksin rrugor Dajç-Darragjat. /abcnews/