Ditën e diel do të luhet java e 5-të e Kategorisë Superiore, por FSHF ka publikuar edhe programin për javën e 6-të të kampionatit më elitar në Shqipëri.
Java e 6-të do të jetë java e derbit të madh mes Tiranës dhe Partizanit. Ky takim është vendosur të luhet ditën e premte më 4 dhjetor, duke filluar nga ora 18:00. Ndeshja do të zhvillohet në stadiumin e ri kombëtar “Air Albania”.
Përsa i përket ndeshjeve të tjera, ato do të luhen një ditë më vonë, me Kukësi-Apolonia dhe Vllaznia-Bylis që do të startojnë në 13:45, ndërsa Skënderbeu-Laçi dhe Teuta-Kastrioti do të startojnë në 16:45.
