Kryeministri Edi Rama ka reaguar dy ditë pasi kreu i PD-së Lulzim Basha, akuzoi qeverinë se ka fshehur shifrat e vdekjeve nga koronavirusi.
“Dalja ime sot u provokua nga një pakicë e zhurmshme që shan dhe gjuan çdo ditë me gur. Ne nuk duhet të ndahemi politikisht edhe për numrin e të vdekurve, apo të publikohen foto nga morgu i spitalit. Shifrat e të vdekurve dhe inskenimet në morg nuk janë demokratike, por çnjerëzore – thotë Rama.
Pak minuta më parë, kreu i PD Lulzim Basha, e cilësoi si një tjetër përpjekje për mashtrim daljen e sotme të kryeminsitrit Edi Rama për t’iu përgjigjur denoncimit për mashtrimin e numrit të vdekjeve në Shqipëri të bëra dy ditë më parë.
Kryeministri Rama i quajti akuza të pabaza, ato që bëri kreu i PD-së Lulzim Basha.
“Këto sulme, nuk janë karakteri i këtij populli, as karakteri i politikës. Kjo është ekstreme nga ata që e kanë penguar Shqipërinë të marrë frymë lirisht. Nuk ka më turp se kaq! Nuk është më e imagjinueshme, deri ku mund të shkojë përparësia ndaj këtij vendi. Çfarë janë ata që humbasin jetën në spitalet Covid, vota?!“, – thekson Rama.
LEXO EDHE:
