“Së shpejti do të kemi një tranzicion të butë drejt një administrate të dytë të Donald Trump”, u shpreh Sekretari amerikan i Shtetit Mike Pompeo, edhe pse Joe Biden nga ana tjetër e ka shpallur fitoren.
Gjatë ditës së sotme, kur u pyet nëse është përgatitur që të përfshihet me e ekipin e tranzicionit të Biden, Pompeo tha se tranzicioni do bëhet në administratën Trump.
“Do të ketë një tranzicion të qetë në një administratë të dytë Trump. E drejtë. Bota po shikon se çfarë po ndodh. Ne do t’i numërojmë të gjitha votat. Kur procesi të përfundojë, do të ketë të zgjedhur. Po bëhet një proces, Bota duhet të ketë besimin se tranzicioni i nevojshëm për të siguruar që Departamenti i Shtetit të jetë funksional sot, i suksesshëm sot dhe i suksesshëm me një president i cili është në detyrë më 20 janar një minutë pas mesdite gjithashtu do të jetë i suksesshëm”, tha ai.
Nga ana tjetër, Pompeo nuk pranoi të komentonte kur u pyet nëse besonte që bëhet fjalë për një manipulim të madh votash.
