Policia e Tiranës njoftoi sot arrestimin e 4 personave, të dyshuar lidhur me atentatin e dështuar ndaj biznesmenit Andon Dhima, ngjarje e ndodhur më 15 tetor.
Mësohet se të arrestuarit Gridi Lena, Albin Hoxha, Mariglen Metohiti dhe Enea Hoxha, kanë bashkëpunuar mes tyre për realizimin e atentatit.
Sipas policisë, Gridi Lena dhe Albin Hoxha, përkatësisht 45 dhe 35 vjeç, kanë tentuar të vrasin biznesmenin Dhima. Ndërkohë që dy personat e tjerë kanë bashkëpunuar me autorët e dyshuar të atentatit të dështuar. Autorët që tentuan t’i bëjnë atentat biznesmenit Andon Dhimaj ishin të kamufluar me maskë silikon dhe uniformë policie.
Nga veprimet e para hetimore dhe procedurale u gjetën dhe u sekuestruan në cilësinë e provave materiale: një armë zjarri pistoletë dhe municion luftarak, që dyshohet se është përdorur gjatë ngjarjes.
Gjithashtu policia sekuestroi veshjet e përdorura nga autorët, një shkop hekuri policie nga ato me hapje, një palë pranga, 6 telefona celular, rroba uniforme policie dhe kamuflazhi e prova të tjera materiale.
Autorët janë precedent të theksuar kriminal për vjedhje me armë dhe plagosje.
Referuar burimeve autorët janë zbuluar duke përdorur metodat speciale të hetimit, si dhe të dhënat operative.
Nga pamjet e publikuara pak ditë më parë, reyulton se mbrëmjen e së enjtes, 15 tetor, në Tiranë, dy persona të maskuar dhe me një pistoletë në dorë kanë ndjekur biznesmenin Andon Dhima, me qëllimin për ta vrarë.
Dhima shihet teksa futet i qetë në hyrje të pallatit që është në pronësinë e tij, pak sekonda pas vajzës, e cila merr ashensorin bashkë me një shoqe.
Duket se sekondat e fundit të pritjes së ashensorit, i kanë shpëtuar jetën biznesmenit. Në video, Dhima shihet se si arrin të ngjitet në një kohë me të bijën, pa e ditur se dy persona të armatosur dhe të maskuar ishin pas tij.
Atentatorët pikasen teksa lënë çadrën jashtë pallatit dhe futen në godinë. Në duar, secili mban pistoletë. Njëri prej tyre duket se si e bën gati armën e zjarrit për ta shkrepur.
Në momentin kur ata dalin nga pallati, hasin rojen e pallatit, i cili dyshohet se ka vënë në dijeni biznesmenin për rrezikun që iu kanos.
DENONCO