Nga Boldnews.al
Policët sot, të rendit apo bashkiakët e Rilindjes, edhe nëse shohin ndonjë hajdut xhepash që mban maskë në fytyrë nuk “e arrestojnë”, e madje as nuk gjobitet, por qytetari i “vjedhur” e ha një gjobë 30 mijë lekëshe nëse nuk ka maskë në fytyrë. Hajduti ikën, qytetari mund të përfundojë edhe në komisariat me gjobën në xhep, edhe për faktin se “hajduti” bashkë me portofolin i mori edhe kartën e identitetit…
Prej së enjtes së kaluar ka nisur një histerizëm rrugëve të Shqipërisë ku në vëmendje janë qytetarët që nuk mbajnë maskë në ambientet e jashtme. Urdhri qeveritar duhet zbatuar, jo vetëm në emër të ruajtjes së shëndetit, por në zbatim të vendimit të atij të madhit, ku fjala dysh nuk i bëhet, qoftë ajo edhe një lajthitje në rrjetet sociale, ku batutat e tij kthehen në “akte ligjore”.
Deri më tani policia mburret se ka vendosur 2811 gjoba me një vlerë 30 mijë lekë secila. Gjithashtu janë bërë edhe shoqërime në polici të qytetarëve që nuk kanë pasur me vete dokument idetifikimi, sepse për vendosjen e gjobës duhet edhe karta e identitetit. Mesatarisht i bien 560 ndëshkime në ditë, shifër edhe më e lartë se numri i tamponëve që institucionet e shëndetësisë së Rilindjes kryejnë në ditë…
Por duhet se shprehja e kryeministrit: “Nuk keni parë gjë akoma”- ka vlerë për ditët në vijim. Pritet që të shtohet edhe më shumë numri i policëve që do patrullojnë rrugë më rrugë, bulevard më bulevard e rrugicë më rrugicë. Do kapin “kriminelët” që lëvizin pa maska, do i ndëshkojnë me 30-50 mijë lekë gjobë, e nëse kundërshtojnë, rrëmbehen dhunshëm dhe përfundojnë në qelitë e lagështa që mbajnë erën e rëndë jo të mykut, por Rilindjes.
Cilado qeveri, gjashtë muaj para zgjedhjeve as nuk do të guxonte që edhe për arsye ngushtësisht elektorale të ndërmerrte masa të tilla që minimalisht shkaktojnë pakënaqësi publike. Por asryeja që këtë pjesë as që e mendojnë është se sot konsiderohen të gjithëpushtetshëm dhe raprezaljen, gjobat dhe burgosjet i kanë pasur dhe do ti kenë mjet për të mbajtur pushtetin. Për ta (elitën në qeverisje), është krijuar perceptimi se sa më shumë të shtrëngojnë fytin e qytetarëve me çizmen e pushtetit, ata (qytetarët) nuk do kërkojnë drejtësi dhe liri, por mëshirë…
Është pikërisht ky perceptim dhe formë qeverëisëse që sot ka nxjerrë në rrugë shumëllojshmëri policësh që rendin pas qytetarëve duke u vendosur në xhepin e boshatisur një gjobë që vlen sa një gjysmë thesi me miell dhe që do të vilet si haraç në faturat e energjisë elektrike. Sa për gjobat si mënyrë për të frenuar koronavirusin, kjo mbetet një propagandë e hedhur në tregun publik si hi për për zënë zytë e qytetarëve, pasi asnjë ekspert në botë, ende nuk ka arritur në përfundimin shkencor se maskat në ambientet e hapura parandalojnë përhapjen e “COVID-19”.
