Në 24 orët e fundit në Greqi janë shënuar 391 raste të reja me Covid-19, 56 prej të cilëve kontakte të raste të konfirmuara pozitive më herët ndërsa 36 janë të importuar nga jashtë vendit.
Autoritetet shëndetësore në vend njoftuan se 161 raste të reja u konfirmuan vetëm në rajonin e Atikës, ndërsa 25 në Selanik.
Numri i përgjithshëm i rasteve me koronavirus që prej fillimit të pandemisë ka shkuar në 21772 nga të cilat 55.7% janë meshkuj.
Në 24 orët e fundit humbi jetën një person duke e çuar numrin e përgjithshëm të viktimave në 431. Aktualisht në spitale , 98 pacientë janë në gjendje të rëndë dhe po trajtohen në intubim.
