Një 29-vjeçar është arrestuar në fshatin Xarë, Sarandë, pasi u kap duke transportuar një emigrant të paligjshëm drejt kufirit me Greqinë.
Ngjarja ndodhi në vendin e quajtur “Sorone”, ku u ndalua një automjet tip “Volkswagen” që po lëvizte me një shtetas të huaj pa dokumentacion të rregullt.
Nga hetimet paraprake rezultoi se drejtuesi i automjetit, shtetasi A. K., banues në Karbunarë, Lushnjë, kishte marrë pagesë për të transportuar një shtetas nga Pakistani me qëllim kalimin e paligjshëm të kufirit.
Automjeti u sekuestrua si provë materiale. Hetimet janë në vijim për të zbuluar persona të tjerë të përfshirë në këtë veprimtari.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, për veprën penale “Ndihma për kalim të paligjshëm të kufijve”.
