Mbyllet kopshti shtetëror në Elbasan, 3 punonjëse rezultojnë me Covid-19

Kopshti shtetëror nr. 7 në qytetin e Elbasanit është mbyllur, pasi tre punonjës të këtij kopshti kanë rezultuar pozitiv me Covid-19.

Pas bërjes së tamponit ka rezultuar pozitive një edukatore, kuzhinjerja dhe ndihmës kuzhinierja, të cilat janë karantinuar në banesat e tyre.

Ndërkohë infektimi i tyre ka krijuar panik te punonjësit e tjerë të insititucionit dhe prindërit.

Aktualisht i është marrë tamponi pjesës tjetër të stafit dhe pritet përgjigja, e cila do të vendose nëse do të hapet apo jo kopshti, ndonëse një pjesë e personelit kanë shfaqur simptoma.

LEXO EDHE  Meta uron 75-vjetorin e OKB: Anëtarësimi i Kosovës do të sillte përfitime për mbarë bashkësinë ndërkombëtare

Bashkia ka kryer dezifektimin e të gjitha ambienteve.

Pas dy javëve mësim rezultojnë 8 mësues dhe 2 nxënës të infektuar në Elbasan. Nxënesit i takojne sistemit 9 vjeçar, ndërsa mësuesit edhe atij 9 vjeçar dhe të mesëm.

Kjo është e para godinë arsimore që mbyllet nga Covid-19 në Elbasan.