“Lokalet do të funksionojnë edhe në ambientet e brendshme”/ Rama s´pyet më për pandeminë

Kryeministri Edi Rama njoftoi sot se Ministria e Shëndetësisë do të lejojë funksionimin e lokaleve edhe në ambientet e brendshme. Rama e lidhi këtë vendim me faktin se ka ardhur stina e vjeshtës dhe temperaturat po ulen.

“Sot do të dalë njoftimi i Ministrisë së Shëndetësisë për hapjen brenda të lokaleve, se është problem tani që fillon koha më e ftohtë, por duke respektuar masat, mos e merreni me shaka Covid-in”, tha Rama.

Nuk dihet se çfarë masash do të njoftojë Ministria e Shëndetësisë, por gjatë javëve të fundit, ka pasur shtime të rasteve të reja me Covid-19, sikundër edhe numri i personave që kanë humbur jetën, ndërkohë që numri i të shëruarve mbetet në shifra të ulëta.

LEXO EDHE  Ky është zakoni i gabuar që rrit rrezikun nga kanceri

Duket sikur me këtë vendim që pritet të publikohet nga Ministria e Shëndetësisë, Kryeministri Rama dhe qeveria e tij, nuk pyesin më për pandeminë, edhe pse strategjia që po ndjekin nuk përputhet aspak me atë të vendeve që kanë mundur të mbajnë nën kontroll Covid-19.