Fushata e 25 prillit/ Veliaj ndryshon drejtorët e Bashkisë, ikën edhe ai i UKT. Emrat që lëvizin dhe ato që vijnë

Kryebashkiaku i Tiranës, Erjon Veliaj, ka vendosur të ndryshojë drejtorët që ka nën varësi, duke përgatitur kështu terrenin për fushatën e zgjedhjeve të 25 prillit.

Pasi u emëruar nga Edi Rama si drejtues politik për fushatën për Bashkinë e Tiranës, Veliaj duket se ka vendosur që të ndryshojë edhe disa nga drejtorët më të rëndësishëm.

Burime nga bashkia e Tiranës bëjnë me dije se ish-drejtorët do të angazhohen në fushatë, ndërsa ata janë takuar personalisht nga Kryebashkiaku i cili i ka kërkuar angazhim maksimal në arritjen e objektivit.

Drejtori i UKT-së, Redi Molla, do të ndjekë procesin e rindërtimit pas tërmetit të 26 nëntorit, ndërsa në vend të tij është emëruar Elton Kacidhe, ish-drejtues në Drejtorinë e Përgjithshme të Rrugëve dhe Ndriçimit Publik.

Në pozicionin që mbante Kacidhe është emëruar Erind Bejko, që i ka lënë detyrën e Drejtorit të Përgjithshëm të Bashkëpronësisë, Aurel Çukos.

LEXO EDHE  OFL i dërgon formularët 4 personave, ja për çfarë janë dënuar

Ndryshimet në Drejtoritë e Bashkisë së Tiranës janë:

Spiro Koleka – Drejtor i Klubit Sportiv Tirana – në vend të tij emërohet Debora Keçi.

Valter Gjoni – Drejtor i Protokollit dhe Ceremonialit Zyrtar – në vend të tij emërohet Fiona Hasani

Esmeralda Byberi – emërohet në Drejtorinë e Zonës së Lirë Ekonomike, Investimeve të Huaja dhe Diasporës

Rezart Cenaj – Drejtor i Qendrës Sociale Multidisiplinare, në vend të tij emërohet Marilda Zizolli

Epidamn Zeqo – Drejtor i Planifikimit Strategjik dhe Jetësimit të Prioriteteve, në vend të tij emërohet Emilda Prifti

Klodiana Bici – Emërohet në drejtorinë e Objekteve në Bashkëpronësi

Faola Hodaj – Emërohet në drejtorinë e Inovacionit