Boçi: Situata alarmante e Covid-19 në Elbasan, personeli mjekësor i infektuar

Ish-deputeti demokrat, Luciano Boci, e konsideron alarmante situatën e Covid 19 në Elbasan, duke theksuar se pothuajse i gjithë personeli mjekësor është i infektuar.

“Situatë katastrofike e Covid-19 në Elbasan.

Pothuaj gjithë personeli i Njësisë vendore të kujdesit shëndetësor, rezulton pozitiv.

Situata është lënë në rënie të lirë dhe totalisht jashtë kontrollit.

Asnjë karantinim, apo teste për rrethin e kontakteve të të prekurve.

Rreziku është permanent dhe neglizhenca qeveritare absolute”, shkruan Boçi.

LEXO EDHE  Infektohet me Covid-19 pedagogia e Ekonomikut, vetëizolohen edhe disa kolegë të saj

Sipas tij, nga Ministria e Shëndetësisë nuk është marrë asnjë masë për të pamundësuar përhapjen e virusit nga kjo strukturë e shëndetit parësor, kur dihet që kontaktet e tyre me publikun janë të shpeshta.

“Rama e Manastirliu flasin nga kullat e… detit.

Vetëm një Zot e di se si do shmanget katastrofa shëndetësore që po troket, sepse qeveria pa zot ka marrë pushime të gjata”, tha ai.