Kërkohej nga “big”-ët e Superiores, ja shifra që Skënderbeu përfitoi nga shitja e Jashanicës në Kosovë

Bajram Jashanica u largua nga Skënderbeu  për të firmosur në Kosovë për klubin e Ballkanit. Mbrojtësi kishte ngjallur një interes të shumtë brenda Kategorisë Superiore teksa në garë për shërbimet e tij ishin Partizanit, Tirana dhe Kukësi.

Gjithsesi 29-vjeçari vendosi që të transferohet në kampionatin kosovar. “Panorama Sport” raporton se nga kjo shitje Skënderbeu do të përfitojë 40 mijë euro.

LEXO EDHE  Napoli e nis sezonin me fitore, shkëlqen dyshja Mertens-Insigne (Video)

Jashanica kishte edhe një vit kontratë me korçarët, por asnjë nga klubet e Superiores nuk ishte në gjendje të paguante për kartonin. Në këto kushte, Ballkani përmbushi kërkesat e Skënderbeut dhe më pas bindi edhe lojtarin.