Shkelën rregullat e mbrojtjes në punë, plagoset 66-vjeçari/ Arrestohen teknikët

Dy teknikë nga Vlora u arrestuan pasi plagosën rëndë një 66-vjeçar. I moshuari, i identifikuar si F.K., është dërguar në spitalin e Nënë Terezës për të marrë ndihmë mjekësore pasi ka marrë plagë në trup.

Teknikët, të identifikuar me inicialet S. B., 54 vjeç dhe L. Ç., 29 vjeç, me banim në Vlorë, dyshohet se kanë shkelur rregullat e mbrojtjes në punë. Gjithashtu, një 56-vjeçar është shpallur në kërkim pasi dyshohet të jetë një nga përgjegjësit për shkelje të rregullave të mbrojtjes.

Njoftimi i plotë:

Policia ka arrestuar dy shtetas dhe ka shpallur në kërkim një tjetër për “Shkeljen e rregullave të mbrojtjes në punë”. Vihen në pranga nga Policia shtetasit S. B., 54 vjeç dhe L. Ç., 29 vjeç, me banim në Vlorë.

LEXO EDHE  "Urrejtja e argatit të Beogradit ndaj Rugovës"/ Berisha: Rama po përgatitet për azil

Arrestimi i tyre u bë pasi shtetasi S.B me detyrë teknik zbatues dhe shtetasi L.Ç në cilësinë e manovratorit të punimeve gjatë rregullimit të rrjetit kullues në lagjen “Hajro Çakërri” Vlorë, dyshohet se kanë shkelur rregullat e mbrojtjes në punë duke dëmtuar një kabull elektrik.

Si pasojë e këtij problemi, është dëmtuar në trup shtetasi F. K., 66 vjeç, banues në Vlorë, i cili ka shkuar në Spitalin e “Nënë Terezës” Tiranë për ndihmë mjekësore.

Gjithashtu, Policia ka shpallur në kërkim shtetasin K. H., 56 vjeç, banues në Elbasan, pasi duke qenë në cilësinë e drejtuesit të këtyre punimeve, dyshohet se është një nga përgjegjësit e tjerë për shkeljen e rregullave të mbrojtjes në punë.