Nga Boldnews.al
Ata i druhen vezës, miellit, domates së prishur dhe çdo mbetje të parrezikshme, por që të bën pis. Më shumë do preferonin një objekt të fortë në kokën e ndonjë polici hallexhi, e madje në pamundësi të këtij skenari ideal, edhe koka e tyre do bënte punë për “algoritmin” qeveritar, mjaftueshëm sa për të marrë rolin e viktimës dhe të prishte imazhin e protestës.
Ky është halli që mendon çdo deputet kur nesër të mbyllë sesionin e parë parlamentar në vitit të parë të mandatit. Kujt prej deputevëe rioshë apo të tjerëve që kanë vite, e madje dekada që deputetllëku mbtete e vetmja “punë” në jetë i shkoi medja që do të vinte një ditë që do ishin ballë qytetarëve të vendosur për të mos e pranuar më këtë sistem, këta njerëz dhe atë arrogancë që shkëputi çdo realitet me hallin e përditshëm qytetar?
Padyshim që i pari që as nuk e çonte në mendje këtë ditë është kryeministri i vendit Edi Rama. Personi që sheh sesi automjetet e deputetëve të tij, madje edhe të kryparlamentarit goditen me miell dhe vezë, “sende paqësore” që nuk të vrasin, madje as lëndojnë fizikisht, por të bëjnë pis.
Ky është halli më i madh qeverisjes që mbahet në këmbë nëpërmjet propagandës dhe nëse e bën zhul me vezë, miell e domate të kalbura, bie, shembet, përdhoset dhe denigrohet. Mllefi qytetar është më i fortë se çdo pushtet i ngritur mbi afera, korrupsion, krim dhe lidhjet me oligarkinë. Mjetet e pushtetit janë dhuna, arroganca, shantazhi dhe forca, por forcë më e madhe se guri, huri dhe arma është mielli dhe veza në duart qytetare.
Të bësh pis imazhin dhe dukjen është lufta që Rama nuk do donte kurrë ta humbte, por koha po tregon se çdo betejë që zhivillon prej 53 ditësh është e humbur, ndërsa “arma shfarosëse”, që është propaganda dhe blerja mediatike nuk kanë asnjë vlerë, para “algoritmit” që vjen nga ritmi i protestës.
