Shiu i verës përmbyt Palermon/ Pamjet dramatike (VIDEO-FOTO)

Reshjet e pazakonta që ranë gjatë 24 orëve të fundit kanë shkaktuar përmbytje masive në Palermo të Italisë.

Shiu i dendur që nisi pasditen e djeshme mbushi me ujë rrugët dhe autostradat hyrëse të qytetit më të madh sicilian duke bërë qarkullimin e pamundur për shumë automjete.

Të gjendur të papërgatitur, dhjetëra drejtues mjetesh u përpoqën të shpëtonin edhe duke notuar.

Shumë dëshmitarë kanë treguar se mjaftë njerëz ishin përpirë nga rrymat e fuqishme të ujërave, por ekipet e emergjencës kanë deklaruar se deri më tani nuk ka asnjë viktimë, apo njoftime për persona të zhdukur.

LEXO EDHE  Çfarë po ndodh në Kinë? Pas Covid 19 rishfaqet murtaja vdekjeprurëse! 1 person ndërron jetë, karaninohet lagjia

Përveç shumë automjeteve të dëmtuara, përmbytjet shkaktuan rrëshqitje toke duke dëmtuar rrugët e autostradat. Autoritetet u detyruan të pezullojnë qarkullimin rrugor, duke krijuar radhë të gjata pritjeje në hyrjet e qytetit.