Lirimi i Agim Kajmakut me ndihmën e Arta Markut ka shkaktuar ilaritet me postimet në rrjetet sociale.
Disa nga “memet” e publikuara nga faqet apo personazhet e njohura në FB për publikimin e “memeve”, kanë pasur në qendër pikërisht këtë zhvillim.
Gjykata e Apelit ndryshoi dje masën e sigurisë, nga ‘arrest me burg’ në ‘detyrim paraqitje’ për ish-kryebashkiakun e Kavajës, Agim Kajmaku, një ditë pas arrestimit në një spital privat. Ishte ish-kryeprokurorja e Përgjithshme e Përkohshme, e cila i kërkoi gjykatës zbutjen e masës së sigurisë për Agim Kajmakun, duke përdorur argumentin e problemeve shëndetësore.
Për opozitën, skema e lirimit të Agim Kajmakut ishte e parapërgatitur.
“E gjithe skema ka qenë e parapregatitur. Vajtja në spital gjoja për sëmundje të rëndë, “arrestimi” i bujshëm dhe pastaj lirimi brenda 24 orëve për gjoja sëmundjen e rëndë…Pra nuk kemi të bëjmë vetëm me një prokurore të korruptuar (që e ka kaluar vetingun…) po me një shtet të tërë të korruptuar dhe të inkriminuar deri në kockë. Nuk do ishte çudi që Kajmaku të ishte i pranishëm sot në takimin e Ramës me të emëruarit e tij në pushtet lokal”, u shpreh nënkryetari i Partisë Demokratike Edi Paloka.
Lexo edhe:
Kajmaku arrestohet dhe lirohet brenda 24 orëve… me ndihmën e Arta Markut
