Milan-Roma, Pioli karikon kuqezinjtë: Janë rivalët tonë direkt për Europën

Ditën e sotme Milani përballet në “San Siro” kundër Romës në ndeshjen e vlefshme për javën 28-të të Serie A.

Një ndeshje mjaft e rëndësishme për të dyja skuadrat që synojnë një kualifikim për në kompeticionet evropiane sezonin e ardhshëm.

Në një konferencë për shtyp, Stefano Pioli bëri prognozën e duelit me verdhekuqtë duke i kushtuar ndeshjes një vëmendje të veçantë.

“Është bukur të kthehemi në shtëpinë tonë, por është e qartë se po flasim vetëm për një kthim të pjesshëm në normalitet. Shpresojmë të jemi në gjendje të luajmë para tifozëve tanë sa më shpejt të jetë e mundur.”

“Për sa ipërket rivalëve, ne dhe Roma jemi mjaft të ngjashëm në numra dhe shfaqje. Renditja thotë se ne jemi akoma mjaft larg, por nesër do të jetë një përplasje direkte. Duhet të grumbullojmë sa më shumë pikë të jetë e mundur për ta përmirësuar renditjen tonë. E dimë se cilat do të jenë vështirësitë e kësaj ndeshjeje, por kemi shansin të dëshmojmë cilësitë tona në fushë, të cilat nuk janë të pakta.”

Milan-Roma luhet sot në orën 17:15.

LEXO EDHE  Kupa e Shqipërisë/ Njihuni me takimet e raundit të parë