Autoritetet gjermane kanë rikthyer masat e izolimit në disa zona pas shpërthimit të koronavirusit në një fabrikë të paketimit të mishit.
Kryeministri i rajonit të Vestfalisë Veriore tha se kufizimet do të kthehen në rajonin e Guetersloh, me rreth 360 mijë banorë.
Armen Laschet tha se izolimi do të zgjasë deri më 30 qershor. Sipas tij, kjo lëvizje është një masë parandaluese.
Kjo është hera e parë që rikthehen masat e kufizimit që kur Gjermania nisi lehtësimin e izolimit në maj.
Vendi është vlerësuar gjerësisht për përgjigjen ndaj pandemisë, por ka shqetësime se infeksionet po rriten sërish. Disa ekspertë druhen nga vala e dytë.
Aktualisht shkalla e riprodhimit të virusit në Gjermani është 2.76.
