Reperi Mato Lale së bashku me shokun e tij është bërë pjesë e një sherri të dhunshëm, ku këta dy të fundit janë plagosur rëndë dhe njëri prej tyre ka përfunduar në spital. Pas sherrit ata kanë denoncuar Stresin së bashku me shokët e tij, pasi sipas tyre kanë qenë pikërisht këta “bad boys” që i kanë rrahur.
Stresi, ka qenë ai që e ka bërë me dije këtë histori nëpërmjet një videoje live në Instagram, i cili sapo kishte dalë nga komisariati i policisë pasi ishte denoncuar nga Mato Lale dhe shoku i tij.
Stresi ka sqaruar se në fakt as ai dhe as shokët e tij nuk kanë lidhje me sherrin në fjalë. Ai ka shtuar se “bad boys” nuk janë vetëm ata në Shqipëri dhe se ata nuk janë bandë e rrezikshme, por bandë shokësh.
“Sa dola nga komisariati. Po presim çunat e tjerë. Paskan bërë denoncime për ne. Me bo denoncim fantazëm nuk kam parë. Nuk e ka fajin as komisariati, por e kanë fajin njerëzit. I rref mileti dhe vjen më kapin mua. I kanë rrahur keq këta që quhen repera, që unë 12 vjet si kam njohur në rep, e tani duhet të vijnë tek unë, tek lagjia e Arkimendit”, është shprehur Stresi.
Ndërkohë ai ka shtuar se Mato Lale vetëm reper nuk mund të jetë kur bën denoncime të tilla në polici ndërkohë që nga ana tjetër bën tekste gangsterash.
View this post on Instagram
